Popular Bible Verses from Mark 5

Share

Na ɔsee no dɛ, Babaa, wo gyedzi agye wo: kɔ asomdwee mu, na wo ho nyɛ wo dzen mfi wo mbusu mu.

Na ɔbaa bi a oenya bɔgyaagu mfe duebien, na oehu amandze pii wɔ eduyɛfo pii nsa, na ɔahwer dza ɔwɔ nyina, na ɔnnyɛ yie biara, na mbom sor araa na yarba no kɔ no

Na ntsɛmara no bɔgya bura wewee, na ɔtsee wɔ no honam mu dɛ woeyi no mbusu no kɔ.

Na osuoo abofraba no ne nsamu, na ɔsee dɛ, Talita, kumi: ne nkyerɛase nye dɛ, Akataasia, mese wo dɛ, Nyan.

Na Jesus da ho rekasa no, binom fi nhyiamudan mu panyin no ne fie bae bɛsee dɛ, Wo babaa no ewu: eda ho ara rehaw Kyerɛkyerɛfo no ayɛ dɛn? Na Jesus tsee asɛm a wɔreka no, ɔsee nhyiamudan mu panyin no dɛ, Mma nnsuro, na gye dzi ara.

Osiandɛ nna Jesus ase no dɛ, Sunsum fi, fi nyimpa no mu! Na Jesus bisaa no dɛ, Wo dzin dze dɛn? Na ɔsee no dɛ, Me dzin dze Legyin, osiandɛ yɛdɔɔ so.