Popular Bible Verses from Romefo 12

Share

Na mma hom nnyɛ hom ho dɛ wiadze yi: na mbom hom ndua hom adwen foforyɛ mu nsakyer, ama hom aasɔ Nyankopɔn pɛ no a oye na ɔsɔ enyi na odzi mu no ahwɛ.

Dɛm ntsi, enuanom, menam Nyankopɔn n’ehumbɔbɔr do serɛ hom dɛ hom ntu hom nyimpadua nsi hɔ dɛ enyikan afɔrbɔdze krɔnkrɔn a ɔsɔ Nyankopɔn enyi a ɔyɛ hom som a ntseasee wɔ mu no.

Hom ndzi dɛw wɔ enyidado mu; sɛ hom kɔ ahohia mu a, hom nya ho abotar; hom nkɔ do araa mbɔ mpaa

Mma bɔn nndzi hom do nyim, na mbom hom mfa papa ndzi nyim wɔ bɔn do.

Enuadɔ mu a, hom ndodɔ homho yie nkorkor; enyidzi mu a, hom ndzi kan ndzidzi homho nyi

Mma hom mmfa ndabraba mfora ɔdɔ mu. Hom nkyir dza omuo na hom ntakyer dza oye ho.

Sɛ ɔbɛyɛ a, hom afamu dze, hom nye nyimpa nyina ntsena asomdwee mu.

Adɔfo, mma hom nndzidzi homho wer, na mbom hom ngyaa biribiara nhyɛ Nyankopɔn n’ebufuw nsa: osiandɛ wɔakyerɛw no dɛ, Awerdzi dzi wɔ me: emi na mubotua kaw, Ewuradze na ɔse.

mbɔdzembɔ mu a, mma hom nnyɛ nyaa nyaa wɔ mu; hom nyɛ sunsum mu hyew; hom nsom Ewuradze.

Na menam adom a wɔdze adom me no do meka kyerɛ hom mu nyimpa biara dɛ mma ɔnndwen nntra dza ɔsɛ dɛ ɔdwen, na mbom ɔndwen enyidahɔ adwen, dɛ mbrɛ Nyankopɔn akyɛ gyedzi nsusui ama obiara no.

Mma hom mmfa bɔn nntua obiara bɔn kaw. Hom ndwen dza ɔyɛ enyidzi wɔ nyimpa nyina enyim.

Hom nyina nye homho homho ntsena ntseasee mu. Mma hom mmema hom ho do, na mbom hom mbrɛ homho adze mma hɔn a wɔdwe. Mma hom mmbu homho enyansafo mbordo.

Dɛm ntsi sɛ kɔm dze wo tamfo a, ma no edziban; sɛ nsukɔm dze no a, ma no biribi ma ɔnnom: osiandɛ sɛ eyɛ dɛm a, ebɔboaboa gyansenama ano egu n’etsifi.

Hom nhyira hɔn a wɔtseetsee hom ho: hom nhyira na mma hom nndom. Hom nye hɔn a wodzi dɛw ndzi dɛw; hom nye hɔn a wosu nsu.

hom mboa ahotseweefo a wɔwɔ hia mu; hom ngye ahɔho.

Na dɛ mbrɛ yɛwɔ nyimpadua kor yi mu mfafakuwa pii, na mfafakuwa no nyina nndzi dwuma kor no, dɛmara so na hɛn a yɛdɔɔ so yi, yɛyɛ nyimpadua kor wɔ Kraest mu, na yɛyɛ mfafakuwa ma hɛnho nkorkor.