Popular Bible Verses from Matthew 7

Share

Hom mbisa na wɔbɛma hom; hom nhwehwɛ na hom bohu; hom mbɔ mu na wobobue hom

na obiara a obisa no onya; na nyia ɔhwehwɛ no ohu; na nyia ɔbɔ mu no wobobue no.

Dɛm ntsi obiara a otsie me nsɛm yi na ɔyɛ no, wɔdze no bosusu badwembanyi a osii ne dan wɔ ɔbotan do no.

Dɛm ntsi adze biara a hom pɛ dɛ nyimpa yɛ ma hom no, hom nyɛ dɛmara so mma hɔn; na iyi nye mbra no nye nkɔnhyɛfo no.

Na abow a ɔyɛ tseaba na ɔkwan a ɔyɛ heaheaba nye dza wɔdze kɔ nkwa mu, na kumaabi na wohu.

Hom nhɛn abow tseaba no mu, na abow a ɔtsɛw, na ɔkwan a ɔyɛ tɛtɛr nye dza wɔdze kɔ ɔsɛɛ mu, na piinara wɔ hɔ a wɔfa mu.

Na sɛ hom a hom muo yi nyim mbrɛ hom dze akyɛdze pa ma hom mba a, mpɛn ahen ara na hom Egya a ɔwɔ sor no nnkɛfa ndzɛmba pa ama hɔn a wobisa no?

Mma hom mmbu atsɛn, ma wommbu hom atsɛn. Na atsɛmbu kor a hom dze bobu no, wɔdze bobu hom; na esusudze kor a hom dze susu no, wɔdze bosusu ama hom.

Na obiara a otsie me nsɛm yi na ɔnnyɛ no, wɔdze no bosusu kotobonyi a osii ne dan wɔ anhwea do no ho.

Na ɔyɛ dɛn na ehwɛ duaba a ɔwɔ wo nua enyiwa mu, na enndwen mpuna a ɔwɔ wankasa w’enyiwa mu ho? Anaaso ebɛyɛ dɛn ase wo nua dɛ, Ma minyi duaba mfi w’enyiwa mu, na hwɛ, mpuna wɔ wankasa w’enyiwa mu?

Hom nhwɛ yie wɔ nkɔnhyɛfo atorfo ho, na wɔba hom nkyɛn wɔ nguannwoma akataho mu, na hɔn mu dze, wɔyɛ mpataku edzifodzepɛfo. Hɔn aba na hom dze bohu hɔn. Ana nyimpa tsetsew wenyinaba wɔ nsoɛ do, anaaso adɔmba wɔ kɔkrɔ do?

Dɛmara na dua pa ɔsow aba pa; na dua a ɔaprɔw dze, ɔsow aba bɔn.

Dua pa nntum nnsow aba bɔn, na eso dua a ɔaprɔw nntum nnsow aba pa.

Dua biara a ɔnnsow aba pa no, wotwa, na wɔtow kyen gya mu.