Popular Bible Verses from Matthew 5

Share

Eso wɔnnsɔ kandzea mmfa nnsi kuruw ase; na wɔdze si kandzeadua do, ma ɔhyerɛn ma hɔn a wɔwɔ fie nyina. Ne dɛm ntsi, hom mma hom kan no nhyerɛn wɔ nyimpa enyim, ama woeehu hom ndwuma pa na wɔaahyɛ hom Egya a ɔwɔ sor no enyimnyam.

Hom nye wiadze kan no. Kurow a ɔda koko do nntum nnsuma.

Nhyira aka hɔn a hɔn akoma mu tsew, na hɔn na wobohu Nyankopɔn.

Nhyira aka hɔn a tsenenee ho ɔkɔm nye nsukɔm dze hɔn, na hɔn na wɔbɛma wɔamee.

naaso emi dze, mese hom dɛ, Hom ndɔ hom atamfo, na hom nsɔr mma hɔn a wɔhaw hom

Nhyira aka sunsum mu ehiafo, na hɔn na ɔsor ahenman no yɛ hɔndze.

Nhyira aka esiesiefo, na hɔn na wɔbɛfrɛ hɔn Nyankopɔn mba.

Nhyira aka hɔn a hɔn werɛ ahow, na hɔn na wɔbɛkyekye hɔn werɛ.

Nhyira aka hɔn a tsenenee ntsi wɔahaw hɔn, na hɔn na ɔsor ahenman no yɛ hɔndze.

Nhyira aka mbɔbɔrhufo, na hɔn na wobohu hɔn mbɔbɔr.

Nhyira aka hom ber a wɔbɛyaw hom, na wɔahaw hom, na wɔaka nsɛmbɔn nyina ato hom do akɔhwi mu, wɔ me ntsi. Hom ndzi dɛw na hom ho nsɛpɛw hom, na hom akatua so wɔ sor; na dɛmara na wɔhaaw nkɔnhyɛfo a wodzii hom kan no.

Nhyira aka abrɛfo, na hɔn na wobenya asaase no edzi do.

Hom nye asaase do nkyen; na sɛ nkyen no ayew ne dɛw a, wɔdze ebɛnadze bɛhyɛ no nkyen? Onnye mma hwee bio, na mbom wɔtow gu ma nyimpa tsiatsia do.

Dɛm ntsi hom ndzi mu, dɛ mbrɛ hom sor Egya no dzi mu.

Na hom mma hom Nyew, nyɛ Nyew; na hom Oho, nnyɛ Oho; osiandɛ biribi a ɔkyɛn yinom fi bɔn mu.

Hom atse dɛ wɔkaa dɛ, Enyiwa nsi enyiwa ananmu, na ese nsi ese ananmu; naaso emi dze, mese hom dɛ, Mma hom nye ɔbɔnfo no nndzi esi; mbom sɛ obi bɔ wo sotɔr wɔ w’enyimfa a, dan bankum no so ma no

Na sɛ w’enyiwa nyimfa to wo fintsidua a, tu na tow fi woho kyen: na oye ma wo dɛ wo nyimpadua ne fa kor bɛsɛɛ na wɔammfa wo nyimpadua nyina annkɔto amandzehu kurow mu. Na sɛ wo nsa nyimfa to wo fintsidua a, twa na tow fi woho kyen: na oye ma wo dɛ ebɔhwer wo nyimpadua ho beebi na wo nyimpadua nyina nnkɔkɔ amandzehu kurow mu.