Popular Bible Verses from Matthew 26

Share

Hom nweɔn na hom nsɔr, mma hom aannkɔ nsɔhwɛ mu: sunsum pɛ dze, na honam yɛ mberɛw.

Nna ɔsee hɔn dɛ, Awerɛhow ahyɛ me kra no do dze kɔ owu mu: hom ntsena ha na hom nye me nweɔn.

Na ɔkɔr enyim kakra na ɔdze n’enyim kobutuwii, na ɔbɔɔ mpaa dɛ, Egya, sɛ ɔbɛyɛ a, ma kɔɔpow yi mpa mo ho nkɔ: naaso nnyɛ dɛ mbrɛ mepɛ bi a, na mbrɛ ɔwo epɛ a.

na iyi nye mo bɔgyaa a ɔyɛ ahyɛmu no dze a dodowara ntsi woruhue egu ama bɔnfakyɛ.

Na woridzidzi no, Jesus faa paanoo na ohyiraa do na obubui, na ɔdze maa n’esuafo no na ɔsee dɛ, Hom ngye ndzi: iyi nye me nyimpadua.

Na ɔfaa kɔɔpow, na ɔdaa ase, na ɔdze maa hɔn dɛ, Hom nyinara nnom bi

Na ɔbaa esuafo no nkyɛn, na obohun dɛ wɔdeda, na ɔsee Peter dɛ, Aso hom enntum nye me annweɔn dɔnhwer kor mpo?

Na mese hom dɛ, Ofitsi ndɛ, moronnom wenyinaba yi bio dze ekesi da no a menye hom bɔnom no fofor wɔ m’Egya n’ahenman no mu no.

Na Peter kaa Jesus n’asɛm a ɔkaa kyerɛɛ no dɛ, Ansaana akokɔ bɔbɔn no, na apa me mprɛnsa. Na ofiir edzi, na okosuu yayaayaw.

Hom nsoɛr ma yɛnkɔ: hwɛ, nyia oriyi me ama no abɛn.

Nna Jesus see no dɛ, Fa wo nkrantsee hyɛ ne hyɛbea bio, na hɔn a wɔtwe nkrantsee nyina, nkrantsee anomu na wɔbɔtotɔr.