Popular Bible Verses from Eksodɔs 15

Share

na ɔsee dɛ, Sɛ ibetsie EWURADZE wo Nyankopɔn ne ndze yie, na ayɛ dza ɔtsen wɔ n’enyiwa do, na ayɛ aso wɔ ne mbransɛm do, na edzi n’ahyɛdze nyinara do a, ɔnodze mennkɛfa yarba biara a medze megu Egyptfo do no bi megu wo do: na emi nye EWURADZE a ɔsa wo yarba no.

EWURADZE nye m’ahoɔdzen nye mo ndwom, Na ɔabɛyɛ mo nkwagye: Oyi nye me Nyankopɔn, na mibeyi no ayɛw; M’egya ne Nyankopɔn a, na mubohuhor no.

EWURADZE, woana na ɔtse dɛ ɔwo, wɔ enyame mu? Woana na ɔtse dɛ ɔwo, krɔnkrɔnyɛ mu onyimnyamfo, Ayɛyi mu ɔhoyifo, anwanwadzeyɛfo?

Ɔwo wo mbɔbɔrhu mu na egya ɔman a apon hɔn no kwan: Ɔwo w’ahoɔdzen mu na egya hɔn akɔ wo tsenabew krɔnkrɔn no.

Na wɔbaa Mara no, woenntum annom Mara nsu no bi, osiandɛ ɔyɛ wen: dɛm ntsi wɔfrɛɛ ne dzin Mara. Na ɔman no hwinhwiin Moses ho dɛ, Ebɛnadze na yɛnnom? Na osui frɛɛ EWURADZE; na EWURADZE kyerɛɛ no dua bi, na ɔtowee kyeen nsu no mu, na nsu no yɛɛ dɛw. Hɔ na ɔhyɛɛ hɔn ahyɛdze nye mbra, na hɔ so na ɔsɔɔ hɔn hwɛe