Popular Bible Verses from 1 Korintefo 9

Share

Na obiara a ɔreper edzi nkonyim wɔ empiresi mu no, ɔhyɛ noho do wɔ adze nyina mu; hɔn dze wɔyɛ ma woeenya abɔtsir a ɔsɛɛ, na hɛn dze dza ɔnnsɛɛ a. Dɛm ntsi emi dze, mbirika a mutu yi, munntu no gyan bi, ekutuku a motow yi, monntow no dɛ dza morotow gu mframa mu ara gyan.

Mbom mehyɛ mo honam amen, na midzi no nya, ama maka asɛmpa akyerɛ binom ekyir no, woeennyi mankasa so tokyen.

Ana hom nnyim dɛ hɔn a wosi empire wɔ mbirikatu mu no, hɔn nyina tu dze, naaso ɔbaako na onya empiresi abadobɔdze no a? Dɛmara na hom so ntu mbirika, ama hom so hom eenya abadobɔdze no.

Hɔn a wɔyɛ mberɛw no, meyɛɛ dɛ nyia ɔyɛ mberɛw maa hɔn, ama meenya hɔn a wɔyɛ mberɛw. Mayɛ moho adze nyina ama nyimpa nyina, ama menam akwan nyina mu maagye binom nkwa.