Popular Bible Verses from مُکاشفہ 3

Share

ویکھ مَیں بُوہے اُتّے کھلوتا ہویا کھڑکانا آں۔ جے کوئی میری اواز سُن کے بُوہا کھولے گا تے مَیں اوہدے کول اندر جا کے اوہدے نال کھانا کھاں گا تے اوہ میرے نال کھائے گا۔

مَیں تیرے کمّاں نُوں جاننا آں۔ پئی نا تے تُوں ٹھنڈا ایں تے نا گرم۔ چَنگا ہوندا جے تُوں ٹھنڈا ہوندوں یا گرم۔ اِنجے ای ایس واسطے پئی نا تُوں گرم ایں نا ٹھنڈا۔ سگوں کوسا ایں ایس لئی مَیں تینُوں اپنے مُنھ توں اُباک چھڈاں گا۔

مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔

پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔

جیہڑا جِتّے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔

تے ایس واسطے پئی توں آکھنا ایں پئی مَیں دَولت مند آں تے مالدار بن گیا آں تے تینُوں کِسے شے دی لوڑ نئیں۔ تے ایہہ نئیں جان دا پئی تُوں بد نصیب تے خوار تے غرِیب تے اَنھا تے ننگا ایں۔

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔

جاگدا رہو تے اوہناں شیواں نُوں جیہڑیاں باقی نیں تے جیہڑیاں مِٹن والِیاں سن مضبُوط کر۔ کیوں جو مَیں تیرے کِسے کمّ نُوں اپنے خُدا دے اگّے پُورا نئیں ویکھیا