Popular Bible Verses from مُکاشفہ 1

Share

خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔

تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔

ایس نبُوّت دی کتاب دا پڑھن والا تے اوہدے سُنن والے تاں جو کُجھ اوہدے وِچ لِکھیا ہویا اَے اوہدے اُتّے عمل کرن والے مُبارک نیں۔ کیوں جو ویلا نیڑے اے۔

جدوں مَیں اوہنوں ویکھیا مُردے وانگر اوہدی پَیرِیں ڈِگّ پیا۔ تے اوس ایہہ آکھ کے اپنا سَجّا ہتّھ میرے اُتّے رکھیا۔ پئی نا ڈر مَیں شُروع تے اخِیر ہاں۔

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔