Popular Bible Verses from اِفسِیوں 6

Share

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

تے ہر ویلے تے سبھنیں گلِّیں رُوح وِچ دُعا تے مِنّت کر دے رہو۔ تے ایسے مطلب واسطے جاگدے رہو پئی تُسی سارے پاک لوکاں لئی دُعا منگدے رہو۔

خُداوند دے سارے ہتّھیار لا لوؤ۔ پئی تُسی ابلیس دِیاں چالاکیاں اگّے کھلون جوگے ہوؤ۔

ایس واسطے تُسی خُدا دے سارے ہتّھیار بَنّھ لو۔ تاں جو بَھیڑے دِن وِچ تُسی مُقابلہ کرن جوگے ہوؤ۔ تے سارے کمّاں نُوں مُکا کے قیم رَیہہ سکو۔

جِہدے نال تُسی اوس شرِیر دے بَلدے ہوئے تِیراں نُوں بُجھا سکو۔ تے نجات دا خود پاؤ تے رُوح دی تلوار جیہڑی خُدا دا کلام اے۔ لے لوؤ۔

سو سچیائی دی پیٹی لکّ بَنّھ کے تے راستبازی دا بکتر پا کے۔ تے پیراں وِچ تسلّی دی خُوشخبری دی تیاری دی جُتّی پا کے اوہناں ساریاں اُتّے اِیمان دی سِپر لاکے کھلے رہو۔

باقی خُداوند تے اوہدی بڑی قُوّت دی طاقت وِچ تگڑے رہو۔

اپنے ماں پئیو دی عِزّت کر۔ (ایہہ پہلا حُکم اے جِہدے نال وعدہ اے۔) تاں جو تیرا بھلا ہوئے۔ تے تیری عُمر زمین اُتّے وڈّی ہوئے۔

بچّیو! تُسی خُداوند وِچ اپنے ماں پئیو دے آکھے لگو۔ کیوں جو ایہہ چاہیدا اے۔