Popular Bible Verses from ۱-پطرس 1

Share

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔ پئی اِک وِرثہ جیہڑی نا ناس ہون والی نا نُقص والی تے نا کُملان والی اے۔

ایہدے سبّب تُسی بڑی خُوشی کر دے ہو۔ بھانویں ہُن تھوڑے چِر لوڑاں توں کِیتے وَن سَووَنِیاں ازمایشاں دے سببّوں تُہانوں تکلیف ہوئی اے۔ تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

سگوں جیویں تُہاڈا سَدّن والا پاک اے اوسے طرح تُسی وی اپنے چال چَلّن وِچ پاک بنو۔ کیوں جو لِکھیا اے۔ پئی پاک بنو۔ ایس لئی جو مَیں پاک آں۔

تے تابعدار بچّیاں وانگر اپنے آپ نُوں اپنی بیواقوفی دِیاں پرانیاں خواہشاں اُتّے نا ڈولو۔

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

فیر ایہہ آیا اے۔ پئی اِنسان گھاہ وانگر اے تے اوہدی ساری شان و شوکت گھاہ دے پُھل وانگر اے گھاہ تے کُرما جاندا اے تے پُھل ڈِگّ پَیندا اے۔ پر خُداوند دا کلام سدا تِیکر قیم رہے گا۔ ایہہ اوہ ای خُوشخبری دا کلام اے۔ جیہڑا تُہانوں سُنایا گیا سی۔