Popular Bible Verses from ۱-یُوحنّا 2

Share

نا دُنیا نال مُحبّت رکھو۔ نا اوہناں شیواں نال جیہڑیاں دُنیا وِچ نیں۔ جیہڑا دُنیا نال مُحبّت رکھدا اے۔ اوہدے وِچ باپ دی مُحبّت نئیں۔ کیوں جو دُنیا وِچ جیہڑیاں شیواں نیں یعنی جِسم دی خواہش تے اَکھّیاں دی خواہش تے زِندگی دی شیخی اوہ باپ ولّوں نئیں سگوں دُنیا ولّوں نیں۔

دُنیا تے اوہدی خواہش ٹل جان گِئیاں پر جیہڑا خُدا دی مرضی اُتّے ٹُردا اے اوہ سدا تِیکر رہندا اے۔

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔

بچّیو! ایہہ گلّاں مَیں تُہانوں ایس لئی لِکھنا آں۔ پئی تُسی گُناہ نا کرو۔ تے جے کوئی گُناہ کرے تے باپ دے کول ساڈا اِک مددگار رہندا اے۔ تے اوہ یِسُوع مسِیح اے جیہڑا راستباز اے۔

جیہڑا ایہہ آکھدا اے پئی مَیں اوہنوں جاننا آں تے اوہدے حُکماں نُوں نئیں مَندا اوہ جُھوٹھا اے تے اوہدے وِچ سچیائی نئیں۔

جے اسی اوہدے حُکماں نُوں منیئے تے سانُوں پتا لگدا اے۔ پئی اسی اوہنوں جاننے آں۔

جیہڑا ایہہ آکھدا اے۔ پئی مَیں چانن وِچ آں تے اپنے بھرا نال وَیر رکھدا اے اوہ اجے تِیکر ہنیرے وِچ ای رہندا اے۔

جیہڑا یِسُوع دے مسِیح ہون توں مُکّر دا اے۔ اوہدے سِوا ہور کون جُھوٹھا اے؟ مسِیح دا وَیری اوہو ای اے۔ جیہڑا باپ تے پُتر توں مُکّر دا اے۔

جیہڑا پُتر توں مُکّر دا اے۔ اوہدے کول باپ وی نئیں۔ جیہڑا پُتر نُوں مَندا اے۔ اوہدے کول باپ وی اے۔