Popular Bible Verses from ROMA 6

Share

Siyag ane turukon onggo re mondabi war atuk ane wereg. Allah indiyen og nisarukon ari Nonowe Yesus Kristus men mondabi nonoluk welamuhuk.

Musa wene apma welahep fugmu Allahn indi henesug lit werehen siyahonen ikni roho sen henesug lit wereg eleg.

Kristus war atfagma kinangma salfag hag toho nit ikma pilap neneptuson ariyen At min war atukukmu kinangma sebe roho sal neneptusa. Ikni Allah ine reg lit werehon inowen amloho Kristus ap war atuk ambehen olukap tibahon hag toho nir oho At men nonoluk atukukmu ap keron hag toho welamuhuk.

Hininggik hunuyug ari siyahon aminggin tog atuk lit hare ane tuk nowen og um fug. Nenebe wareg latukukon nonolukap neneptisi ulug henebe Allah og utuk lamuhup. Hininggik hunuyug At aminggin tog aruhumu pikir ane turuk lamag ulug og umuhup.

Ninindimu siyag ane turuk latukukon eleg amag ulug siyahon amingmingangge hag toho welamuhuk fug ulug ninindi miningon Yesus men mangno roho e fam tel neneptusa.

Ari roho hiren wenggel haruk lit siyag ane hininggik kobog isalug war atikipmu Kristus men mangnowap heneptisimu Allah apma fano welahep.

Allah indi nenesug lit weregma nungge uruk lamuhuk? Aren indi anggolo nenesug lamag ulug siyag ane eneg turuk lamuhuk ano? Eleg-o nori. Siyag ane apma welatukuk angge famen embeselug wilip atukukteg nin fobik nangginoho turuk lamuhuk?

Ap eke nit ninikni roho weregma nit amingmingangge welamul puhup halug at ino ele holtul peruk lamuhup. Siyahon hinikni roho weregma ele holtuk lit siyag amuhup. Hinikni Allah ele holtuk lamuhup halug ili og heneptuk laruhuwon henepeleg?

Indam hit siyahon amingmingangge roho welatikip angge famen ketiya hinindi wirik toho wereg lit wene hiyag hisaruson holtikibon fahet Nikni Allah wel turuk lahi. Indam siyahon amingmingangge welatikip angge famen Allahn hininggik lisoho hondog heneptisimu fanowon amingmingangge welahep.