Popular Bible Verses from MARKUS 4

Share

Ibagma Yesus in atfareg siyelu pet tibareg ik haglabut fam, ”Hele-a, yuwag amin,” ibag. Yuwag amin ibagma siyelu eleg atfagma ik ahum yuwag atfag. Yuwag atfagma Yesusen otsi fam, ”Hit nungge fahet henekol toho welahep? An nubam hinindi wenggel haruk lahep fug?” ibag.

Yesusen ari ibagma it enekol anggolo hibareg, ”Ap tu sa hag toho wereg. Siyelu men ik haglabut men per enebehekma ele holehesa,” ulug enele sahaltuk latfag.

Yenggeltukmu Yesus kou ondoholukmu heniye palimu nohoruk latfag. Nohorukmu otsiyen in amin ulug elelfareg, ”Nonowe, nit iken nunusik oho turukmu Hat hapeleg toho nohoruk lahen?” ibag.

”Hinisanggo holeg lamek: Hininggik winako og isaruk lamuhupmu Allahn oho inggik winako og hisahu, nin fobik sebe roho og hisahu,” ulug ele indit toho hiyag isibag.

”Allah ap obog toho Inikni aruhuwon ino aben roti anggen yabukmu fok teberuk hag toho wereg,” ulug Yesusen ele indit toho hiyag isibag. ”Anggen fok tebelug hubanggo noholug sakan turukmu in atug weregma anggen amu fahaltug wilip atuk angge famen ap ino apeleg toho wereg.

”Hit hinisanggo wereg halug Anden uruk lahiyon ari fano holtuk lamok,” ibag.