Popular Bible Verses from KELUARAN 2

Share

Allahn iren uba yatukon hol hibareg Abraham, Ishak, Yakub unubam, ”Hit An numalikisi weregma An hit Hinikni welaruhuk,” ulug sali imbibag ane wenggel hibag. Wenggel hibareg Allahn Israel inap indi enesug lit let enebuhuk peruk latfag.

Mo amusun toho welatfareg Mesir inap onowe suwon ino war atfag angge famen Mesir inaben yabuk angginon Israel inap unubam emberukon eleg atfag fugmu enele ya nga uruk lit Allah fam, ”Yihi, onolok toho mingming neneptuken let nenebin,” ulug heng turuk latfag.

Ag mondotukmen malik ino su atfagma isingan ap suwon ahaloho og itfagma aren malik ino amlohowap taruk lit malik aru ikman lisoho hilarikik ulug ap suwon ahaloho inowen unuk Musa suwalfag.

Hondoholug watfagma ap suwon ahaloho inowen malik ino isinga fam ele uruk lit, ”Malik aru walug lamihinteg an fahet ag mondotuk laruhunmu anden onggo og huruhuk,” ibagma walug libareg isingan ag mondotuk latfag.

Yet teg lit weregman Mesir inap onowe ahaloho nahap ik umag tamin ulug ikma waharukmu amingmingangge hiyap angge piren hinahan itano ik ayegma la wam turukmu ap suwon ahaloho inowen yet harukmen kou eke longgop palimu sa regma yet hibareg amingmingangge eke fam, ”Kou ari wak lag!” ulug hiyag itfagma wak libag.

Musa ino kabini atfareg nori Israel inap pen isa lamin ulug libareg pen isarukmen yabuk wiriyek ulug ininggik lisoho emberukmu asengseng toho yabuk waruk lit weregman Mesir ahun misihen Musa are Ibrani ahun eke pinggi ware feserukmu yet hibag. Yet hibareg ap wereg ano ulug ambol fil aluke fil yet isibareg eleg latfagma Mesir ahun ino pinggi ware fisibareg kinang habuloho sale fisibag.