Popular Bible Verses from Romanos 14

Share

Kwaanzee leezha nabeyy Dios lextoo be, nanont kwaan nzhaw be nixa kwaan nzho be, kwaan non nak zo nali be lo Dios nu kwi chul be, zee yakla be nel lee Mbi Naban cheen Dios nzo kwaan be. Loka xaa snee nzo lo Jesucrist, nyula Dios xaa nu noka re myet nyula xaa.

Nel chelee be mban be, mban be zee kee be xchiin Xaa Nabeyy, nu chelee be yet be, yet be nel nzhekla Xaa Nabeyy yet be. Kwaanzee, chelee be mban be nu chelee be ngut be, xaa Xaa Nabeyy nak be.

Kwaanzee nzhaal kwaan be zee chul kwi re be; zee snee nzho mod le be yudar tub be stub be, zee zo nyera rese be lo Dios.

Kwaanzee nagawyixt be tub be stub be. Wii be xana re kwaan nle be, zee nalet be zee ralnii stub be, zee laa xaa re xcheen Dios.

Nel lee Xkyech Dios nzhé: Mban na, né Xaa Nabeyy, rese myet kichxub delant lo na, nu rese myet gool lo Dios. [Is. 45:23] Kwaanzee sbaa, kad tub be zaa kwent cheen lo Dios.

Chul kayaa be re xaa nanyet nzo ngwii lo Dios, nu nagawyixt be xaa.

Nanzhaalt gawyix be wechxinn be, nel re be nak xmos Xaa Nabeyy, nu lee Xaa Nabeyy nak xaa nzho mod nabeyy xmos xaa, nu nanakta be. Nu telisa kayaa Xaa Nabeyy xmos xaa nel nzhak Xaa Nabeyy kanap xaa.