Popular Bible Verses from 1a de Corintios 5

Share

Kwaan nzhekla na nii na nak: Nazhaalt gu kwaan tub xaa mbezh nak xaa Jesús nu nle kwaane, xaa nchaal stub ngwnaa, xaa nzoblazh, xaa ngwii lo maj, xaa nii nawent, xaa nzuzh, xaa nlewann. Rese myet, xaa nle kwaane, nixa nazobt gu gaw gu kwaan lee xaa.

Kwaanzee bloo gu lebadur kwaan nkanola gu naz jwer, kwaan ntexoob koob, zee gak gu pan kwaan mdexkwaa kwaan koob kub nu koob kwaan nyent lebadur, kwaane nak re gu. Nel Jesucrist, xaa nak mbakxiil cheen yalni Paskwa, mteedla xaa lo Dios kwent cheen be.

Kwaanzee nanzhaalt naab na kwent lo re xaa nanakt xaa Jesús, Dios nak xaa naab kwent lo re xaa ne. Per re gu nzhaal naab kwent lo re xaa nak xaa Jesús, kwaanzee nzhaal koo gu xaa nle kwaan nawent ne lo re gu.