Popular Bible Verses from 1a de Corintios 12

Share

Lo kad tub be nzelazh Dios Mbi Naban cheen xaa, zee nzho mod le be yudar re xaa Jesús.

Nu sbaa nak be mod kwerp cheen Jesucrist, nel kad tub be nak mod tik cho kwerp cheen xaa.

Chelee tub pa cho be ne nzak, dubse cho be ne; nu chelee tub pa cho be wen nzak, dubse cho be wen nzak.

Nu kwaan Mbi Naban nzelazh Dios re kwaane: zee tub naz xaa nii kwaan yalnzhak, nu stub naz xaa labeyy cho kwaan nzhekla Dios, nu stub naz xaa nzho mod wii cho kwaan nzhekla Dios le, nu stub naz xaa sekwen re xaa ne nzak, nu stub naz xaa nzho mod le zyen doo kwaan gro, nu stub naz xaa nzho mod zaa kwent kwaan nzhé Dios lo lee xaa, nu stub naz xaa ne xana kwaan nroo lo mbi mal nu lo Mbi Naban, nu stub naz xaa nii stub diizh kwaan nagakt xaa, nu stub naz xaa nzho mod zaa kwent cho kwaan ngunii xaa ba

Per tubka Mbi Naban nzelazh rese kwaane, nu nzaa xaaya lo kad tub be mod nzhekla xaa zaa xaaya.

Zee nayiit tub pa ne stub pa, zee rese pa cho be kanap stub pa cho.

Xa nak kwaan nzaa Mbi Naban cheen Dios lo tub be nu lo stub be, nel lee Mbi Naban tubka nak. Zyen doo mod nkee be xchiin Dios per lo tubka Xaa Nabeyy nkee be zhiin. Xa kwaan nzelazh Dios lo kad tub be zee kee be xchiin xaa, per lee xaa nak xaa nkee zhiin kwent cheen be.

Kwaanzee Dios mzaa lo re xaa Jesús pa nzhaal kee xaa zhiin. Xaa mas non nak xaa mkayaa yalnabeyy lo Jesucrist, nu zeera xaa nzaa kwent kwaan nzhé Dios lo lee xaa, nu zeera re xaa nseed xtizh Dios, nu gwluzh xaa nle kwaan gro kwaan nyent mod le re myet, xaa nsekwen re xaa ne nzak, xaa nle yudar re xaa nkin kwaan, xaa nabeyy lo re xaa Jesús, xaa nzhedizh stub naz diizh kwaan nagakt xaa.

Lee kwerp nanakta tubka pa, leeya nak zyen pa.

Per lee re pa cho be, pa nzak be nanont, leeya nak kwaan mas nkin be.

Chelee dubse kwerp nak nebse zaalo xaa, nyent mod gon xaa. O chelee dubse kwerp nak nebse nzha xaa, nyent mod koob xaa bech. Per lee Dios mzob kad pa kwerp cheen be paro mas wen nzhaala nzak xaa. Cheleeya tubka kwaan ngak dubse xaa, zee nyent kwerp.