Popular Bible Verses from ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ Գլուխ ԺԲ

Share

եւ մի՛ կերպարանիք կերպարանօք աշխարհիս այսորիկ, այլ նորոգեցարուք ի նորոգութիւն մտաց ձերոց, առ ի քննել ձեզ զլաւն, եւ՝՝ եթէ զինչ են կամքն Աստուծոյ՝ բարին եւ հաճոյն եւ կատարեալն։

Ա ղաչեմ զձեզ, եղբարք, գթութեամբքն Աստուծոյ՝ պատրաստել զմարմինս ձեր պատարագ կենդանի, սուրբ, հաճոյ Աստուծոյ, զխօսուն պաշտօնդ ձեր.

յուսով խնդացէք. նեղութեան համբերեցէք. աղօթից ստէպ կացէք.

Մի՛ յաղթիր ի չարէ, այլ յաղթեա բարեաւն չարին։

յեղբայրսիրութեան առ միմեանս գթածք. ի պատիւ զմիմեամբք ելանել.

Սէր առանց կեղծաւորութեան, ատեալ զչար, զհետ երթալ բարեաց.

Եթէ հնար ինչ իցէ ձեզ, ընդ ամենայն մարդկան զխաղաղութիւն կալջիք։

Մի՛ զանձանց վրէժ խնդրէք, սիրելիք, այլ տուք տեղի բարկութեան. քանզի գրեալ է. Իմ է վրէժխնդրութիւն, եւ ես հատուցից, ասէ Տէր։

ի փոյթ՝ մի՛ վեհերոտք. հոգւով եռացէք. Տեառն ծառայեցէք.

Զայս ասեմ շնորհօքն Աստուծոյ որ տուեալ են ինձ, ամենայնի որ է ի ձեզ, մի՛ առաւել ինչ խորհել քան զարժանն խորհելոյ, այլ խորհել ի զգաստանալ իւրաքանչիւր՝ որպէս եւ բաժանեաց Աստուած չափ հաւատոց։

մի՛ ումեք չարի չար հատուցանէք. խորհեցարուք զբարիս առաջի ամենայն մարդկան։

զնոյն միմեանց խորհիջիք. մի՛ ամբարտաւանէք, այլ ընդ խոնարհս զիջանիցիք. մի՛ լինիք իմաստունք յանձինս ձեր.

Այլ եթէ քաղցեալ իցէ թշնամին քո, հաց տուր նմա, եւ եթէ ծարաւի՝ ջուր տուր նմա. զայս արարեալ՝ կայծակունս հրոյ կուտեսցես ի գլուխ նորա։

օրհնեցէք զհալածիչս ձեր, օրհնեցէք եւ մի՛ անիծանէք. խնդալ ընդ խնդացողս, լալ ընդ լացողս.

ի պէտս սրբոց հաղորդեցարուք. զհիւրասիրութեան զհետ երթայք.

Որպէս ի միում մարմնի անդամս բազումս ունիմք, եւ անդամքն ամենայն ոչ զնոյն գործ ունին. նոյնպէս եւ բազումքս մի մարմին եմք ի Քրիստոս, այլ իւրաքանչիւր միմեանց անդամք եմք։