Popular Bible Verses from ԱՌ ՓԻԼԻՊԵՑԻՍ ԹՈՒՂԹ Գլուխ Դ

Share

Մի՛ ինչ հոգայք, այլ ամենայն աղօթիւք եւ խնդրուածովք, գոհութեամբ խնդրուածք ձեր յայտնի լիցին առ Աստուած։

Եւ խաղաղութիւնն Աստուծոյ որ ի վեր է քան զամենայն միտս՝ պահեսցէ զսիրտս ձեր եւ զմիտս ի Քրիստոս Յիսուս։

Այսուհետեւ, եղբարք, որ ինչ ճշմարտութեամբ է, որ ինչ պարկեշտութեամբ, որ ինչ արդարութեամբ, որ ինչ սրբութեամբ, որ ինչ սիրով, որ ինչ համբաւ բարեաց, որ ինչ քաջութեամբ, որ ինչ գովութեամբ՝ զայն խորհիջիք։

Յամենայնի կարօղ եմ այնու որ զօրացոյցն զիս։

Ուրախ լերուք ի Տէր յամենայն ժամ. դարձեալ ասեմ. Ուրախ լերուք։

Եւ Աստուած իմ լի արասցէ զամենայն պէտս ձեր ըստ իւրում մեծութեանն փառօք ի Քրիստոս Յիսուս։

Զոր ուսարուքն եւ ընկալարուք եւ լուայք եւ տեսէք յիս՝ զայն արարէք. եւ Աստուած խաղաղութեան եղիցի ընդ ձեզ։

Հեզութիւն ձեր յայտնի լիցի ամենայն մարդկան. Տէր մերձ է։

Գիտեմ նուազել, գիտեմ առաւելուլ. յամենայնի ամենեւին խելամուտ եմ ե՛ւ յագել ե՛ւ քաղցենալ, ե՛ւ առաւելուլ ե՛ւ նուազել։

Իբր ոչ առ կարօտութեան ինչ ասեմ, զի ես ուսայ որովք կարեմ բաւական լինել։