Popular Bible Verses from ՄԱՐԳԱՐԷՈՒԹԻՒՆ ԵԶԵԿԻԵԼԻ Գլուխ Դ

Share

Եւ դու ննջեսցես ի ձախակողմն քո, եւ դիցես զանիրաւութիւնս տանն Իսրայելի ի վերայ դորա. ըստ թուոյ աւուրց զոր ննջեսցես ի վերայ դորա հարեւր եւ յիսուն օր. եւ առցես՝՝ զանիրաւութիւնս նոցա։ Եւ ես ետու քեզ զերկուս անիրաւութիւնս նոցա ի թիւ աւուրց՝ հարեւր՝՝ եւ իննսուն օր. եւ առցես զանիրաւութիւնս տանն Իսրայելի։

Եւ բովանդակեսցես ի միասին զամենայն՝՝, եւ դարձեալ ննջեսցես յաջակողմն քո, եւ առցես զանիրաւութիւն տանն Յուդայ զքառասուն օր. զի օր ընդ տարւոյ եդի քեզ։

Եւ դու ա՛ռ քեզ ցորեան եւ գարի, ոսպն եւ ոլոռն եւ կորեակ եւ հաճար, եւ արկցես զայն յաման մի խեցեղէն. եւ արասցես դու զայն՝՝ քեզ հաց. եւ ըստ թուոյ աւուրցն զոր ննջեսցես դու ի կողմն քո՝ հարեւր եւ իննսուն օր կերիցես զայն։