Popular Bible Verses from ԵԼՔ Գլուխ ԺԲ

Share

Եւ անցից ընդ ամենայն երկիրդ Եգիպտացւոց ի գիշերիս յայսմիկ, եւ հարից զամենայն անդրանիկ երկրիդ Եգիպտացւոց ի մարդոյ մինչեւ յանասուն. եւ յամենայն դիսն Եգիպտացւոց արարից վրէժխնդրութիւն. զի ես եմ Տէր։ Եւ եղիցի ձեզ արիւնդ նշանակեալ ի վերայ տանց՝ յորս իցէք դուք անդ. եւ տեսից զարիւնդ եւ ապրեցուցից զձեզ՝՝. եւ ոչ լինիցին ի ձեզ հարուածք ի սատակել՝ յորժամ հարկանիցեմ յերկրիդ Եգիպտացւոց։

Եւ եղիցի ձեզ օրդ այդ ի յիշատակ, եւ տօնեցէք զդա՝ տօն Տեառն. յազգս ձեր օրէն յաւիտենական տօնեցէք զդա։

Եւ եղիցի եթէ ասիցեն ցձեզ որդիք ձեր. Զի՞նչ է պաշտօնս այս ձեզ. ասասջիք նոցա, եթէ Զոհ զատկի Տեառն է այս, յորժամ պահեաց զտունս՝՝ որդւոցն Իսրայելի յԵգիպտոս, մինչ հարկանէր զԵգիպտացիսն, եւ զտունս մեր ապրեցոյց։ Եւ խոնարհեցաւ ժողովուրդն եւ երկիր եպագ։