Popular Bible Verses from ROMA 5

Share

Na nyuna i Ala na-paloha-ndanya na mbuha-nanda nyuta, nu la meti lumu-nanda i Karitu ba nindapa la njala.

Napa na monungu tungu yia nda na-pahala-aya na etinda, nadu ba mbàda paihi-nanyaka na etinda wàngu pa-namungu-na paraïna i Ala. Nawunda-ya nuna i Ala rukuna i Ngahu Matua na pambàda wua-nanda.

Tàka nda didi biaya nuna, ta-hawola-mbuipa la mayila, maa ba tapi-dunya ba jiaya na mayila nuna na ma-patumbu-ya na torungu, tàka na-torungu na-patumbu-ya na pa-dàdungu; jia-duyaka yiana, na pa-dàdungu na ma-patumbu-ya na monungu.

Nàhu mbàda pa-hàmungu beli-ndaka dàngu i Ala rukuna ba tapawai. Tuna nuduka hi taluri papeku dànya i Ala rukuna na Mirinda i Yehu Karitu. Rukuna ba tapawai lai Yehu ka pahia-nandaka la papàda-nya na pa-namungu-na i Ala, dàngu jiaya na pana-mungu nuna-duka na paluri wànda la rehi nàhu. Tuna nuduka hi tambaha eti ba tamonu-dunyaka napàda-ndanya napa na pa-ohangu pawua-nanda i Ala!

Ba ninda la nda payatangu-nda, nameti lumunda i Karitu la rehi pa-kawuku-na i Ala; tàka làti wàmu tau mamarau-nya i Alata duta nyuta.

Nàhu pa-hàmungu beli-ndanyaka dàngu i Ala ruku metina i Karitu; rukuna nuna jiangu-maka duna ba pa-pahàla-ta napa welingu la hànggana i Ala paraïna i Karitu.

Dàngu hama tuna ba nadangu na tau na malua-ya la njala, rukuna ba nda na-manundu na haàtu, tuna numbu ba na-dangu na tau na pa-wuangu mapeku ka da-pahàmungu beli dàngu i Ala ruku manundu-na lai Ala na haàtu tau.

Dàngu nda didi biaya nuna, ta-hawola wa-mbunyapa na hàmuna i Ala rukuna na Mirinda i Yehu Karitu. Nadu ba rukuna i Karitu-du hi kiri pàda-ndanya na papuingu hàmunda dàngu i Ala.