Popular Bible Verses from PILIPI 4

Share

Àmbu nggàradu pa-kaduku-mi. Nggàra biaya na pahili ulami patàka bianya na pakarai-mi lai Ala la hamayangu-mi. Nggàra biaya na manjaka-nggai panii mànu-maya nu lai Ala ba dàngu pa-malangungu-mi.

Na peku na hàmu welingu lai Ala na panda toma kanandingu tau pinu tana, napa namangga-nya na etimi dàngu na pangàdangu-mi na mambàda pa-mbulungu dàngu i Karitu Yehu.

La hupu njàpuna angu dedi, màta ka jiaha da ma-pawilingu da ma-hulungu la kanandingu-mi, da paràka pa-wotungu, nu da matànji, da patembi, da mamola, da ma-langatàka, da huri mandangu, dàngu da mahàmu.

Wàngu kodi màka pawua-nangga i Karitu, ku-dàdungu-ma duku pa-hanobaku-ya mbuu ndàbana jàka nggàraya.

Màta àruki ka ni mànunggai la hanggela hawola nadu ba mbàda pa-mbulungu-mika dàngu i Miri. Hanggela hawola-wa! Hili wànggu-manggai.

I Ala na palumu-nggu na mabundu làndangu pawulu-na lai Karitu Yehu, napa na-patoma ndàbaya na pa-kalana-mika.

Pahàra-nyawa na pambàda papeka-mi dàngu na pambàda ngalami welingu lai nyungga; nu na parongu-mi la kareuku-nggu dàngu na pangita-mi la pawunda-nggu. I Ala na pingina na peku na hàmu, jiangu-ma duna na-angunggai.

Màtawa mbuu ndàbana na tau ka naita-ya na hàmu etimi la nggoda nggàduku-mi. Maa ba nda pira-kinaka na tàkana i Miri.

Mbàda era-manggu-nyaka na panjaka wàngu, dàngu na pa-bundungu wàngu. Mbàda pi-manggu-nyaka na nyangana la pa-hanobaku-ya jàka nggàra biaya; ka luri mbokaru-ya, hamangui ka luri mila-yakai, ka mabundu làndangu-ya ka manjaka njàpu-yakai.

Hi ku-jakaru-nya yiana, nda jia-aya ba ningu manjaka-ngga, maa ba mbàda ndàmangu-mangguka duku pa-patoma wàngu tuda maningu-ngga.