Popular Bible Verses from DIHA 14

Share

Àmbu ndubaku-duya i MIRI, dàngu àmbu mangàdatu-nja da tau da mangia-nya na tana nuna, nadu ba nawàngu pamuda-ma-a ba ta-pakàku-ha napa. Na maopa-nja nyuda mbàda dunjaku-nanjaka, tàka i MIRI naangu-nda nyuta. Ba tuna, àmbu mangàdatu-du,” wàda.

‘Nyungga yia MIRI, nda namuda-a na mbeninggu. Ku-paitangu-ya na mbuhanggu dàngu na tuturu-nggu na mabundu làndangu. Kujàma-nya na tau na manjala dàngu na ma-ndubaku-ka. Jiapa-kai ba tuna nu da njalada da ma-kaweda napa ku-palimba-nja la a - anada dàngu la u - umbuku-da, lundu la ndalaru tailu dàngu patu, ba wàmu-duka.’

Jàka naora-nda eti i MIRI, napa na-karia-nda lai nu hi nawua-ndanya nyuta na tana wulu dàngu na ma-kamboka.

Na nyuna nda tuna nua na atanggu i Kalipu. Nyuna duna pa-daingu tuturu-na duku lai Nyungga. Tuna nuduka napa hi ku-karia-nya la tana na pambàda njadana. Nàhu tau Kanaàngu dàngu tau Amaliku ma-ndàdiku la ma-ndidaru nuna. Tàka napa na ngabana lai nu damangu-nya ana umbuku-na i Kalipu na atanggu. Haromu lupangu-maka bàdi kai punjilungu pabeli la maràda telangu na ma-hanggangu la Njobu wai Akamba,” wàna.

Màta ka tuna yia bàdi bai hemaha nyuda: Napanii i MIRI, ‘Kuhara wànya na wikunggu na maluri ba ku-palua-nggai lima napa, pa-namatu-nya na-pakarai wikimi. Nyungga yia, MIRI mambàda panii.

I MIRI napanii-nya i Muha, “Lundu pirangu-mapa da tau yiada ba da ndubaku-ka Nyungga? Lundu pirangu-mapa ba nda dabihu pawaika Nyungga? Jiapakai ba dira dangu bia-haka da pa-hangàtarungu pawunda-nggu la hanggada nyuda?

Da-hoputu-nya i Muha dàngu i Harungu hi dapanii, “Marihi hàmu-kipa làti ka mbàda metinda la Mehiru jàka ndiakai la maràda telangu yiana! Màta ka tameti biawa!

Ka bàriku-dahaka da pakida nyuda i Yuhua anana i Nungu dàngu i Kalipu anana i Yapuni nu da tau madua welingu la malua pa-pakapilitu, paraï pa-handuka. Dapanii-nya mbutana na rayatu, “Na tana palua pa-kanuturu-ma nda ningu hama hàmuna.

Na nyuna ku-panjanjingu wànya na wikinggu, Nyungga maluri dàngu ma-hanggubu-nya yiana na pinu tana, ba nda haàtu-a maluri pangalangu welingu la tau yiada la patama-nya na tana pambàda njanji-nggunja da boku la mangilu-da. Nadu, ba nda dabihu pa-karadaku-ngga Nyungga, dàngu ba da-nutakungu pakama-ngga Nyungga. Tàka làti mbàda ita paku-dudanya na handaraku-nggu ba ningga, na panda tara, dàngu da pa-hangàtarungu da pawunda-nggu la Mehiru dàngu la maràda telangu. Ndia-a! Nda jia tama-adanya nuna na tana. Nda jia haàtu-a welingu lai nyuda, da ma-ndubaku-ka Nyungga majia diliya nuna na tana.