Popular Bible Verses from MÀRUKU 6

Share

Dira danguya na tau na malua dàngu na mabeli, hi lupa nda peku ndokuda pangangu i Yehu dàngu da makiku-nya. Tuna nuduka, “Màla-ndawa ka talaku ningu la ma-hinggilu ka didi meha-ata ka peku ana hangahu-kimi,” hi kiri wànanja da makiku-nya.

Hi napanii-nja paraïna i Yehu, “Na haàtu wunangu natembi-maya tau la nggi - nggini, hinggilu-na la kotaku wikina dàngu la kalembi-na dàngu la uma wikina,” wànanja.

Ba napuru-yaka welingu la tena i Yehu, naita-ya na tau dangu. Dira mila-nanya eti, ba beri hama tuna mbimbi manda ninguma-pawangu bia-haka. Ka pakiringu-nanyaka pa-papeka-nja hangia - hangia.

Nda peku ndoku-ana i Yehu patuu tanda pa-hangàtarungu lai nu, hinggilu-na na pamàlaru-na tau mahidu da manda pira-ada ba nawàngu pa-padambaku-nja limana. Nawàngu pa-hangàtaru-nja ba nda dapawai. Tunaka nu laku-nanyaka i Yehu la ko - kotaku la winggiru-na lai nu hi na-papekangu tau.

Tunaka nu piti-nahaka i Yehu nu da roti da malima mbuada dàngu nu da iyangu da madua ngiuda, hi na-tangara la awangu hi na-pamalangu-nya i Ala. Hàlaka nu hi nakawi - witaha da roti wàngu limana hi napakei-nja da papanau-na ka dapabe - berinya na tau dangu. Hamanai da dua ngiu iyangu, na paberi-mbunja lai nyuda mbuu ndàbada. Ka ngangu-danyaka lundu mbihuda. Hàlaka nu pauhi-danjaka da pangangu da marihi paraï da makiku-nya i Yehu – ha-kambulu dàmbu mbola mbinuda mbuu ndàbada.