Popular Bible Verses from MATIU 5

Share

Nda ningua tau ma-pakehingu palita tàka hi na-pangguru wànya mbàlu na palita. Jiangu-ma duna ba natuya la tandaina, hi na-hambila ndàbanya na tau na maninya la uma. Tuna numbu na hambila-mi màta ka na-handaraku la hangga tau, ka peku ita-danya na paraï rukumu na mahàmu, hi dawotu-nya na Amamu la awangu.”

Nyimi hambila pinu tanakai. Na paraingu na maninya la pinu tandula nda peku wini-anya.

Oha-adaka da tau da ma-yahangu etida; napa nyuda datanda-ya i Ala!

Oha-adaka da tau da ma-rinjungu pawànya na pambuha-na i Ala; i Ala napa na-pahoda-ha nyuda!

Tàka nàhu Nyungga ka kupeka-nggai: namuha da papami, dàngu hamaya-nja ndumada da tau da ma-pamayila-kai

“Oha-adaka da tau da ma-pàdangu nda màkada, hi jiaya i Miri-makia-ka na pa-kanderu-da; nyuda jia-haka da nua banjaru-na i Ala!

Oha-adaka da tau da matàka ngàndiya na papeku la tau pinu tana; napa napeka i Ala ba ana-nanja nyuda!

Oha-adaka da tau da ma-handuka etida; i Ala napa na ma-pamanda-nja!

Oha-adaka da tau da ma-pàdangu mayila ba pajàra-ha ruku lumu-danya na pambuha-na i Ala; nyuda jia-haka da nua banjaru-na i Ala!

Oha-adaka da tau da maaï namu anguda; i Ala napa naaï namuha nyuda!

Oha-amika nyimi jàka ningu ma-paaka-nggai, ma-pamayila-kai, dàngu ma-pulunggai lumunggu Nyungga. Da wunangu da maluri wunganggai nyimi pa-mayila tudanja numai duda. Hanggela hawola-wa, nadu ba na-bokulu na wundami na pa-payema-nanggai la awangu i Miri ndumami nyimi,” wàna.

Oha-adaka da tau da ma-karàda etida; i Ala napa na patutu-nya na paràndi-na lai nyuda!

“Nyimi mehi pinu tanakai. Na mehi jàka nakàba-ka pekuna-ipa la pahilu pambàruya? Nda ningu-apa linguna, jia la wàru-kia-nyaka hi nakali - lijaku-nya tau.

Na Amami la awangu nda ningua nyurana nahàmu-nanya mbuu ndàbana na tauka. Nyimi dimi ka timi numbu,” wàna.

‘A-a,’ wàmu bia, jàka ndia, ‘ndia-a,’ wàmu bia. Na marihi-nya nuna ma-pawelingu lai ma-akatu-ya.”

“Nyimi mipinya ba nimbunya na lii pa-ajaru: Mata hilu mata, ngàndu hilu ngàndu, na mawàna. Tàka nàhu Nyungga ka kupeka-nggai: àmbi tungudu hilu kiringu la matunggai ma-akatu. Tàka na pa-njàngangu-na jàka natàba-ya na papu kawana-mu, màta kau pajàma-mbunya na papu kalaimu.

Jàka na mata kawana-mu na ma-titiru-kau la panjala, rukiya kau wàrunya na mata nuna! Nahàmu-pa ba na-mbulangu na hangia na nua ihimu welingu ba dàngu mbulungu-na na ihimu ba wàrunggau la naraka. Jàka na lima kawana-mu na ma-titiru-kau la panjala, kadipu-ya wàrunya nu na limamu! Nahàmu-pa ba na-mbulangu na hapungu na limamu welingu ba dàngu mbulungu-na na ihimu bau tama la naraka.