Popular Bible Verses from YAKOMBU 3

Share

Tàka na tau na maningu manggànangu na mapaweli ditangu, la kawu - wungana na-yahangu, hàla na-mbuhangu pa-papeku, nahàmu la pa-panggolu dàngu na-patundungu. Nyuna mila eti juaya dàngu na-ngalangu mahàmu la paraï la parukuna. Nyuna nda nali papa dàngu nda na-kapilandu.

Era ningu la hongami nyimi tau ma-manggàna dàngu ma-paeti, màtawa ka na-pawuwa-ya na lurina na mahàmu dàngu ka na-paloku-ya na hangia - hangia na mahàmu, pa-kariangu màjangu dàngu manggàna etina.

Tuba-mana na hàmu ba paraï ruku wini pekuya na pa-hàbaru-na na tau na mambuha-nya na peku!

La nggiya na maningu kapihingu, na maningu huri kehangu kangeha wiki, lai nuyaka natumbu ningu na pariu-raüngu dàngu mbuu ndàbana na paruku na ma-akatu.

Nyuta tawànya la pamalangu-nya i Miri na Amanda, tàka jia-mbuyai na pawàngu la paràtu-nya na angunda patau, na pa-padikangu tundunya na hadana i Ala. Welingu la haua ngaru daluhu da kareuku pa-malangungu wàngu dàngumbu da pa-ràtungu wàngu. Làti àmbu tuna nu bàdi.

Na làma hama-mana na epi. La tàda ihinda nyuta, nyuna beri mata wai akatu-ya na ma-wewaru-nya na ma-akatu la nggubulu wikinda. Wànya na epi na ma-pawelingu la epi manda mbàda, nyuna natunu hàlaya na nggubulu paluri wànda nyuta.

Tàka na làma tau nda pamàka pa-pamopu-ya jiapa nda nggamuya. Na làma na-akatu dàngu nda pamàka pa-kuaha-ya; bai muru kabaingu pameti wànguya.

Angu dedi hapaelami! Àmbu natika pàku padangu na angumi nyimi na ma-mbuhangu panjadi ngguru. Kai pinya nyuta manjadi ngguru napa ba na-pajorutungu-pa na rapatu-ta nyuta welingu la tau hawiangu.