Popular Bible Verses from YAHAYA 30

Share

Jàka era hiliru-mi welingu la ànda, la kajiami napa mirongu-maya duna ba nawara-nggai, “Yiana-ya na ànda, liya na ànda yiana,” na mawàna-nggai.

Na nyuna ba tuna i MIRI patiangu-mana-nyapa rehi rapa pa-itangu-na mila etina lai nyimi. Rimangu-mananya la pamila-nggai eti. Nadu Nyuna i MIRI ba Ala mawunda-ya jàka nggàraya na ma-patubangu. Oha-anaka na tau na ma-monungu lai Nyuna.

I MIRI Mahupu-mbiha, na Ala matua Ihirailu, napanii-nya na banjaru-na, “Panjilungu dàngu mandangu-wa, napa Nyungga ka ku-pamàna-nggai. Pawaiwa lai Nyungga dàngu mànjaku etimi, napa Nyungga kupa-kapàru-kai,” wàna. Taka nyimi ndai bihu!

I MIRI napuli-nggai la papàda-nya na rehi kamangu na mambotu, ba papeka-dunanggai. Tàka nàhu Nyuna wikima duna na ma-hadidi-kai hi lupa mipàda-nya ba ninya Nyuna.

Ha nyimi ma-ngiangu la Yeruhali, napa nyimi ndai hii pangalangu-apa. I MIRI namila etina, dàngu napa nalu hema-makai duna jàka mi-warangu la pakarai pa-ndulangu lai Nyuna.

I MIRI napanii, “Ura pàku-ada-nyaka da ngara liku uru Yahunda, nadu nyuda ba da-kawutaru hanggangu lai Nyungga. Nyuda datundu-nja da pakakangu da panda pakaka-nggu. Nyuda datuu tanda limada la pa-ràndingu na ma-pahilitu dàngu na pawuku-nggu. Ka pabu - bundungu-duda-nyaka da njalada.