Popular Bible Verses from IMBARANI 10

Share

Màtawa ka ta-pauhi mànuma dàngga angunda, àmbu tamayau-dunya hama tuna na pakàli wàna hawiangu. Manaü tuturu-manda bàdi la pa-maràngga pa-undungu dàngga angunda, nadu ba tapi-manya ba nda namandai-apa na lodu tàkana i Miri.

Dàngu màtawa ka ta-maràngga pa-hamata dàngga angunda, ka ta-maràngga pahàni dua wiki la pambuha-nya na angunda dàngu la pawunda mahàmu.

Màtawa ka ta-pamàndu-manya na papeka-nda rukuna na pamonu-nda, nadu ba pa-monungu-maya duna i Ala dàngu na-patutu-manya duna napa na paràndi-na.

Ipa-torungu-ma bàdi, ka peku nunju-minya na pawuku-na i Ala, ka peku ngala-minya na paràndi-na.

Jia ba tuna nu, màlawa ka ta-hangiri-ya i Ala mangu tànji etinda dàngu màndungu pawainda; wàngu eti pa-payarahu welingu la kaduku-nya na njala, dàngu da tàda ihi pambàda baha wàngu wai kahingiru.

Jia ba tuna nu, màtawa ka àmbu da-mbotadu da monungu-mi, nadu jàka daingu-mami la pawai, nadangu-ma napa na wundami!

Nadu jàka mbàda tàka-nandaka pulungu ma-tubangu welingu lai Ala, tàka hi taharawuku biai patuu mànu manjala, ka nda hili ningu-apa kameti maraku pa-podahu wànja da njalanda. Na maninya lai nyuta mbulungu-ma-ana ba ta-hanobaku-ya na ratananda wai ngera i Ala dàngu na epi hànggana na matunu palàpu-ha napa da tau da ma-ndubaku-ya Nyuna!