Popular Bible Verses from LUHU 32

Share

Ba naita-yaka paraï banjaru Ihirailu ba lalu mandaiya i Muha ba nda napuru ndoku welingu la palindi, tàka ba hanii bia-napa lai nu, langgungguru-danyaka i Harungu hi dapanii dànya, “Nda tapi ndoku-nyapa nàhu jàka nggi - nggikina i Muha, na ma-karia-nda paluhu welingu la Mehiru; ba tuna pandoi-nggàmawa kamàla ala mairu ngàndi-kama,” wàda.

Ka panii-nanyaka MIRI lai Muha, “Puru pa-renggangu, nadu na banjaru-mu na pairu ngàndimu paluhu welingu la Mehiru ba wunda-danyaka ma-akatu. Nyuda da-hiliru-ka welingu la pareta - pareta-nggu. Nyuda da-pandoi-ka kahala hapi àmahu rara palala, hàla hi da-maraku-nya dàngu hi dangàndi-nya kameti maraku patunu. Napanii-da ba nuna-yaka na kamàla alada na ma-karia-nja paluhu welingu la Mehiru.

Hàla i Harungu na-pahada-nya na hau ngia pawotu maraku la hangga kahala hapi àmahu rara hi na-pakada-nya, “Haromu remi-ndanya ka ta-maraku-nya i MIRI,” wàna. Hadangu harii la mbaru hada rudungu, da tau Ihirailu ngàndi-danyaka ba pi - pira ngiuda da banda patuu kameti maraku patunu, dàngu ba pi - pira ngiuda da patuu kameti maraku papeku. Mandapu ngangu ngunungu-danyaka, hàla hadangu-danyaka la pa-hanggela hawola.

Hadangu harii panii-nanyaka i Muha la banjaru nuna, “Nyimi yia mbàda wunda-mika njala bokulu. Tàka nàhu hili kandekalu-nggunyaka na palindi la pa-hurungu la hanggana i MIRI; mili kungala àru-kinya na jàmangu njala ndumami nyimi,” wànanja.