Popular Bible Verses from 2 KORINITU 9

Share

Nambiha-ma duna i Ala pawua-nggai kanyuru mabundu làndangu, hi peku ningu mànu padua jàka nggàraya na pa-kalana-mi; màlai narihi-mbuipa hi peku pa-itangu wàngumi hàmumi dàngu pa-namungu-mi.

Màtawa nimbihu-na na tau ka nawàngu etina ba na-wuangu. Àmbu na-kanodaru ba na-wuangu jàka ndia àmbu nawua mangu lerangui, nadu i Ala ba nambuha-nya na tau na ma-wuangu wàngu mbaha etina.

Namuya! Na tau na ma-hàbarungu wini hawutu - hawutu, ana hawutu-mai duna pangala-na napa. Tàka na tau na ma-hàbaru pada - dangu wini, napa namuti pada - dangumai duna.

I Ala na ma-payema-nya wini na tau na ma-hàbarungu dàngu pangangu ndumanda nyuta. Nyunambu na ma-payema-nya dàngu na ma-paworu-ya jàka nggàraya na pa-hàbaru-mi, hi peku bonjangu-na na ruku màjangu etimi. Jia ba tuna nu napa namàtu ndàbaka dimi lai nyimi la ngga - nggàra bia hi pekuna ka nua naingu-na bai wuangu wàngu màjangu etimi. Dàngu da pawua-mi da papabe - berima jia-haka da ma-pawiti-nya hi kiri danguna na tau na ma-pamalangu-nya i Ala.

Màlawa ka ta-pamalangu-nya i Ala rukuna na pawua-na na manda najaru!