Popular Bible Verses from 1 PETURU 2

Share

Tàka nyimi dimi banjaru papindi-kai, ratu ma-lumungu hanganji-kai, banjaru matua-kai, paleha ndumana i Ala, banjaru-na i Ala wiki. I Ala napindi-kai dàngu na-paaunggai paluhu welingu la ma-kapàtangu patama la hambila-na na ma-handaraku, ka peku pakada-minya na lii langu rukuda da pawu - wundana da manda ningu hamangu.

Nyuna wiki i Karitu naduku-ha da njalanda la wikina la ai harikangu, ka peku pahàlangu-nda welingu la lima njala, hi taluri la pambuha-na i Ala. Da manua-na i Karitu jiaha da ma-pamàlaru-kai. Àmangu hama mbimbi njàrangu-kai, tàka nàhu pa-karia belingu-kaika la patundu-nya na Mapawa-nja dàngu Matanara-ha da hamangu-mi.

Àmangu nda banjaru-na i Ala-akai làti, tàka nàhu banjaru-na i Ala-kaika. Àmangu nda namila-anggai eti làti i Ala, tàka nàhu ngala-minyaka na mila etina Nyuna.

Màtawa ka hama ana rara mabidi dedikai, na mamadau mànunya na wai huhu pangahu manda ningu korungu. Tuna nuduka hi mi-kabutuhu dàngu hi pamàna-nggai.

Oi angu dedi pambuha-nggu! Nyimi dimi tau tàka dàngu tau pàlaku-kai yia la pinu tana. Jia ba tuna ku-kamahi pambana-nggai ka àmbi tundu bianya na pa-itiru tolu da ma-pabera mànu dànja da hamangu. Dira hàmu-maya bàdi na hurimi la padua tau manda tandaya i Miri, jàka era pulu-danggai ba hama tau akatu-kai, lupa da-pajia-maya na pawunda-mi na mahàmu hi dawotu-nya na tamuna i Ala la lodu maina.

Nyimi dimi hi hama watu lurikai. Jia ba tuna màtawa kai mbuhangu ka tukai pa-pahada wànya na Uma Ala ma-pangahu. Tuna nuduka hi ratukai, maluri patukingu ndumana i Ala dàngu rukuna i Yehu Karitu hi imangejingu lai Ala, kameti maraku pangahu paora-na i Ala.

Jia ba tuna nu, wàru ndàba-njawa da ma-akatu-ka welingu la wikimi; àmbi hili kambàliku-dupa, dàngu àmbi kapilandu-dupa. Àmbi malara etimi, dàngu àmbi pawawa tau hawiangu.

Jia ba tuna, hurungu-wa lai Miri. Nyuna beri watu luriya, na pawàru tau pinu tana, ba nda ningu linguna ba wàda làti; tàka i Ala duna napindi-ya patuya watu ma-pawilingu.

Màtawa kai paluri tau marandekangu, tàka àmbi pandàda wànya marandeka-mi na ma-akatu, na nyuna luriwa ba atana i Alakai.

Nadu na pambuha-na i Ala duna kai pakandii wànya na tau na ma-kareuku nduba bai tuya na mahàmu.