Popular Bible Verses from 1 YUHANI 3

Share

Dou da ananggu hapaela-mi! Nyuta àmbu ta-mbuhangu la ngarua jàka ndia la kareuku jua bia. Màtawa ka tambuha wàngu mbuhangu ma-langatàka na maningu mbutina la paraï paruku-nda.

Yiana-ya na papi wàndanya na pa-mbuhangu dàngga angu: i Karitu na-pajàma-nyaka na lurina ndumanda nyuta. Jia ba tuna, màtawa nyutambu ka ta-pajàma-nya na lurinda ndumana na angu dedinda!

Tàngaru jàka nggiki hama mbuha-nanda nyuta paraïna i Ala, hi lupa na pajia-ta nyuta ba ana-nanda. Dàngu tuba-maduna nyuta ba ana Alata. Jia-duyaka yiana na pinu tana na ma-akatu hi nda natanda-ta, nadu na pinu tana, ba nda natanda-aya i Ala.

Tàka na tau na ma-panua naingu pawunda manjala nyuna anana i Kambàliku-ya duna, nadu i Kambàliku ba njala weli mulangu-mana duna. Ndumana nuna-duka hi namai na Ana Ala, la pa-palàjaru-ya na paràma-na i Kambàliku.

Na tau na mambàda dedi ana Ala, nda na-panua naingu-a duna pawunda manjala, nadu na huri wikina i Ala ba ninyaka lai nyuna. Tàka ba Ama-nanya i Ala, nda peku-ana duna nyuna pa-panua naingu pawunda manjala.

Na tau na ma-jàngapu na lurina jàka naita-ya na angu dedina na maningu ma-njakangu, tàka hi nda nandula-ya nuna na angu dedina, nggiki hama peku-naka na tau nuna papanii ba nambuha-nya i Ala?

Mbuu ndàbada da tau da ma-karadaku-nja da pareta-na i Ala, daluri pa-mbulungu dàngu i Ala, tàka i Ala hi na-pambulungu dàngu nyuda. Dàngu tapi-manya nyuta ba naluri pambulu dànda nyuta i Ala, nadu ba mbàda wua-nanda-nyaka na Ngahuna lai nyuta.

Jiaya yiana-ka na ngia pa-pahilitu-da da ana Ala dàngu da anana i Kambàliku: nggamuya na manda wundaya na pambuha-na i Ala, dàngu na manda mbuhanya na angu dedina, nyuna nda ana Ala-aya.

Piti weli mulangu mbàda pa-patàkangu-mayaka na lii yiana lai nyimi: Ba lupangu-ma bàdi ta-pambuhangu dua wikinda.

Jia ba tuna, Angu dedi hapaela-mi, àmbi hangàtaru-du nyimi jàka dakaraü-nggai eti da tau pinu tana.