Popular Bible Verses from Nahum 1

Share

At Nenaik ’gain Onuk Logo a’ge Allah ai re, op modok welat, e’gin enebam ago holuk e, enebe op wolom a’ge paget obap enebiso a’ge arat welat, enede at ebam he’berik welagai a’ge ebano opsogo ’gwelagentarok welat, tago a’geat de

At ’gain Onuk Logo a’ge Allah ai re, ede sebelak poluk welat, At anni modok logat welat, tago a’geat de, is ap wiak togwi a’ge onowiak o’go tagonobouwaat o. O sogwei yasobu o’borlogouk logat pu hau wagalat, tagokhwe at e’gerlakma wagalat, Ap, ’gebela pam lasulat, oyuk pam sip-sip daksogo pil lasu ’gela’ge, At o hena a’gurlok pam lasulat, asogo at takpil lasu o.

At ’gain Onuk Logo a’ge en e, nomuat erliknobu a’ge de logwe, is ado erlik onobogwi yu re, nebit e, oluk, epasulat, at ukpogwi holuk e, o’go tagenebasulat, ’gain Onuk Logo a’ge Allah ukpoluk we yogunat togwi holuk, o’go tagenebasulat, olot het nak agalat wiagap enebasulat, At ’gain Onuk Logo a’ge Allah emin il ’belak, a’ge ebano olot het enebam pasulat, at emin weim ’belak a’ge holuk tagonobo epasu a’ge ebano, wene enebam pasulat, tago yo.