Popular Bible Verses from Yosua 1

Share

An en e, Hede ha’buktak welat hogorlok erlaksogo wolomup o, oluk hesa’go weregis a’ge ai, hede eberak modok wolomup o. An haik ’gain Nonuk Logo a’ge en e, hat ’geba lagun holuk, tenhiarok modok weleik ai en e, hede perik welat hogorlok en, he’gik hebit pam tagalat, tu mia o,” oluk mo’gulesi.

Hat en e, wene an Allah en, Disogo tip, asogo tip, oluk egimu pelal wogo oruak a’ge ai, ’berlegat hegitsogo taga leigoluk holuk e, wene ebe pelal wogo a’ge ai, hup erlige onuk mo’guliso modok wolomup o. Asogo tagalat, wene pelal wogo a’ge ai ’berlegat an neiyagai enilem onuk mo’guliso modok wolomup o. Hat en ’berlegat asogo taga lorogun holuk, hat hebe op welat, di paget yu paget tagoam e, elit nak aga lema ani o.

Holuk e, an neragam a’ge Musa en e, Disogo tip, asogo tip, oluk mo’gulhentesi a’ge ano mesik sagalogo ukpo erlakma en hwelak poluk nak togun en e, hede ha’buktak poluk, hogorlok erlaksogoat wolomup o. Wene ai a’ge weisogo logon ukpo erlakma en, hegitsogo nak togun holuk e, hat en di paget yu paget tagokhwe re, elit nak aga lema ani o.

An en naduk Musa tenak modok welegi ai ’gela’ge, hat ukhobo erlakma en tenhiarok modok weleik ai en e, aphwami mu a’ge en hat modok mi-miarak hobo elit erlak o.

An en hene’balak o ’gwiang wogentaigoluk wene werak enebegimu eba hat en is wogonoboluk o eba sebeluogoluk ’gogun ai en e, hede ha’buktak poluk, hogorlok erlaksogoat wolomup o.

An en Musa mo’gulegis ’gela’ge, o hat hoyuk sobut hagun o’gwe ’berlegat hat hebe emin, an neiyagai Israel a’ge ’berlegat emin, wokhentaik o.

“An neragam a’ge Musa ebe arat waragarikmu re, yogodak hat emin, aphwami Israel a’ge ’berlegat emin, ik Yordan ’balogo, o an en wokhentaikmu eba ’gogup en e, di a’ge yu a’ge degelogo pomup o.

Nenaik ’gain Onuk Logo a’ge en, at eragam a’ge Musa ebe waragarikmu en, at Musa ot Yosua, ap Nun omlogo disogo mo’gulesi

Honowi wolorogupmu eba ebe re, o leimu aphwami erlakma ik o’but hegit eba en ’bekhit ik elaruk hegit o Libanon hwerli dom petne emin, ye, ik lok Efrat mo yegelogo orlu ago hegit en ’bekhit aphwami ena’gul onuk Het a’ge onowi pam en hwerli ik laut onuk ’Burl a’ge mo obuksogo ’gwi lasu hwerli eba ’berlegat wolorogup ani o.

Aphwami logon hat en sennentarok oruakma heragam ’gonu oluk, hiak hwelak poluk tu enebit a’ge holuk enebe lo’bok modogat warenebise lema o. Holuk e, hat en, hede ha’buktak poluk hogorlok erlaksogoat wolomup o,” oluk mo’guligisa.

Asogo mo’gulesimu, at Yosua en e, aphwami Israel a’ge ’berlegat onowi sum owi a’ge werik o’gwe oruakma onuelak en disogo mo’gulentil laga lemagoluk, mo’gulentasulat, “O nene’gik agauwa ’biren wolomtik tono at ik Yordan henaganak a’ge en, o Nenaik ’gain Onuk Logo a’ge Allah en woknontouwema ik etle akhit libotluk eba arat sebelul ai en e, henebabut heberlogo welat, di a’ge yu a’ge degelogo pomup o,” oluk mo’gulentil louwagoluk mo’gulentesi.