Popular Bible Verses from 1 Timotius 2

Share

Allah ebe mesigarat o. Ye, Allah emin nis aphwami emin ’burl heisogo welat la’bulnenebiso a’ge ap ebe Yesus Kristus ai mesigarat o. At Kristus aphwami ’berlegat wiak togu lege ai pam herle wusogo tennentarok oruakma herle hebilogo delnenebigoluk u’gwarek epenenat, “Nebe watnobuak o,” oluk waga ai pam, Allah ogola en e, “Aphwami ’berlegat delonobu o,” oluk epasu a’ge ai, enagat emagoluk hegitsogo enagat aga ai o.

An en wene mesik logo a’ge yu Allah eiyagai enesa’go werinogoluk mo’gulheik. Nis aphwami enemin op lioksogo welat e, Allah erliktogulat, aphwami enebaget hegitsogo togulom a’ge togu lomogoluk e, aphwami ’berlegat enebaget emin, ’gain ononuk logo a’ge enebaget emin, is logon ononuk oruak a’ge welat tennentarok welagai a’ge ai, enebe ’berlek enebaget emin, se’ban ogulat e, Allah yo’go pogulat, ’gonu mo’gulogulat, hau worogulat, togu lemagoluk enesa’go werise lomup o.

Ye, o di owi yu owi se’ban ogulat, is ap en e, ene’gik en logon wiak tu erlak, onolot het om erlak, wene sorok ogwi erlak, degelak modok welat, se’ban ogu lemagoluk, mo’gulonto oluk nogola nagai epegirik en mo’gulhegis ai o. Ai ’gela’ge, is hwami re, enasu sualogulat, melei wantogwi ’gela’ge emas a’ge wantogulat, eile’bani wantogwi ’gela’ge mutiara wantogulat, sum o’go lok a’ge ’buktogulat, tu modok mia o. We, enil ha’buksogo welat, enalli a’ge selangsogo wo a’geat wogu lemagoluk mo’gulentagun en mo’gulhegis ai o. Enalli a’ge wo ’gela’ge re, enebabut Allah eiyagai a’ge en welat tu hegitsogoat, is logon opsogoat lerontogu lemak o.