Popular Bible Verses from WAYU 16

Share

Ti'nuk, at oone yo'nege menggerak nogo nen, ambinom yo'nege logonet, ”An aap yogoot wagangga pogom abera'lek me woraagin me, aakumi inenggaanom nggwok paga kinagap mbelenak nogwe kiinok, kinenggali ogwe kiyo, liippogo logonip o. An wage neenok, kiniki ale'nggen mbarubagip nduk, kinayum abu ndigik-ndegek eerogo patinuk, kinaket paga logonet, tum wakkologo logonip o,” yinuk, yo'nege kagarak.

It melaikat ineebe 5 nogo nen togolowak inalitak lombok kilirogo wuppogo mbaka, ambi nen Ala anini toolak ambi niyo nggwok endage Eparat nogo paga kilirogo wuppegerak. Wuppege mbaki, niyo nogo porok yegerak. Niyo porok yegerak nogo ti, it aap inendage-mbogut oonegen wundi wage minggim nen woraawak nduk, inaru koonogo piige kagarak.

It inambeme nen wundi wagaarak nogo ti, kugi Tile apuri aret me, Ala nen yi aakumi ndi aakumi inenggali wariyak eyom nogo paga it yi aap ndi aap inendagembogut o nggween paga menggaarak abok aret at omaawi ambik menggerak Ala nogo inom wim namburiyak kuwak eeruwak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Kage nagarik, waalo nggwok tinambe pogom nogo ambeme inom, nggeewo anini warak niyome nen wundi wagaarak nogo ambeme inom, ndi, aap pilit wone pugunogo yorage menggerak nogo ambeme inom, time nen yubut ogolem pogom kugi maluk lombok ineebe kenagan wundi wogwe iigirak.

”Ala nen unde logonet andi-pandi yogobi eeppinanege me, ninomaluk mbo punuk, endage tiyappogo logowok o,” yinuk, yuurak op aret kwe, kagak, inomaluk iniki kundugu patogo logonet, Ala endage miyuk-meya eerogo pit nogwe iigirak.

Yorage kage nagarik, at melaikat ambi nen, Ala anini toolak ambi wonok nggween paga kilirogo wuppege mbaki, it aakumi nggeewo endage inenggaawak paga liiru mbanak wonogwe nogo inom, at ogut wakkagak ogobakkigirik alut eeko menggaarak nogo inom, abok aret inawin maaluget inoba nik ari mbaki, aakumi nen ogole ambik yogwe iigirak.

Ndi, it kugi yubut ogolem pogom nogo nen aap nggween paga inendagembogut abok aret o endage Iberani inoone paga Aramageron nogome kuwak eeppiigwi iigirak.