Popular Bible Verses from YAKOBUT 2

Share

Nit niniki abet mbakwi nogo ndak-ndak eebe inom eeka'lek logonet, abet mban mbakwi kenok, nit ambi eeppinaniyak lek me, we aanom warogo abet mbakwi kogo o.

Ninagabolo wonage kagak, niniki nggigik togon nage kenok, ”Aap ti kanggerak o,” yogo monggoorak nogo ndak-ndak, niniki abet mbakwi kwe, wone ti eebe inom eeka'lek kenok ti, aanom warogo abet mbareegurak aret mbaruwok o.

Nowe-nawot o. Kit nen, ”An niniki abet mbake o,” yogwe kwe, eebe eeka'lek kiinok, nano eekkoloorak nduk yogwe mbakop? Ala wone eebe eeka'lek logonet, we abet mbakwi paga mban Ala nen kinagap ndarigin mbakop?

Kit nen, ”Ala ti, alik aret menggerak abet mbakwi,” yinuk, mbakwi ti op aret kwe, it kugi kunduk wone ti togop aret abet mba'nuk, inagabiti nen inaganak nuguranet nugu menggerak kwe, kit perak abet mba'nuk puk mban wonogwe kiigi.

Togop aret kwe, kit ambi nen, ”Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, ”Yi aap abet mbaka'lek aret,” kinombakwi kwe, an perak, abet mba'nuk eebe inom aret eeke me, ”Yi aap abet mbake aret,” nombakwi, yi kogo ogotik?

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Ti kenok, niniki abet mba'nuk eekwi kwe, eebe inom eeka'lek kagak, Ala nen obeelom agago pinanigin lek o. Ata, abet mba'nuk, eebe inom eekwi paga eeppinanege menggerak kogo o.

Ala abet mbake logonet, eebe inom eeke mbareegi, obeelom agago pereegerak kogo o. Ndi, eebe aret eereegerak paga at iniki abet mbareegerak nogo yobok yulik, mondok endak aret agagerak o.