Popular Bible Verses from IBERANI 10

Share

It aakumi nit Ala wone yogome ninom kuwak eekulik nogo kokwak eerugup o. Ata, niniki eyak wat-wat yogwe ti, ”Yetut woroorak abu panggo yi wage kagi,” mba'nuk, niniki aganggen kerek togon ambinom eeko logowok o.

Ndi, niniki-kiniki kunik eekwi, at ambi nen at ambi obeelom eeppegak eekwi, eeko logonet, at ambi iniki eyak wappegak eeko logowok o.

At nen, ”Ndogop eekkinabigin o,” yinuk, abok yo'niragagerak nogo, ne ambi paga alik ambi koonggak eekeelik yegetak nogo a'me aret eeke menggerak me, nit ee'ninaburak wone abet mba'nuk, waganeegurak niniki luunik wonage nogo, mondok nggirik-nggerok agago porogo logowok o.

At Ala nen ari logonet, ”At woroorak yereegerak nogo ti, elaambirik logonuk woraagin lek o. At mbet-mbet aret woraagin me, it an napuri obeelom eerogo piyareegirak nogo, it abet nombakwi nogo mbo pugwi iinok, an inabuwa inombarigin lek kwe, abet nombako logonet iniki noba panggombunuk wonogwe iinok perak, mondok-mondok ineenik logogun o,” yinuk, yereegerak me, Ala nen kit eeko logorak kinombareegerak nogo, abu eekwi kiinok, wokkiroorak yereegerak nogo wokkiraawak nduk, maluk eeppinagagwi iigak kinogogumbuk logonet, waganggo logonip o.

niyo abe muli-muli paga ninabin koorogo punuk, ninomaluk lek eerogo pinanemenggerak ninikime maluk abeka'lek logonet, ”Abet aret panggo yi ungguurak yegerak,” mba'nuk, niniki mondok abe paga at owagam panggo yi ungguwok o.

yogondak kit kinookwi iigak, kinogogumbuk logonet wone abet mba'nuk waganeegutak nogo, mugurok nogwe kiinok, onggo nggwok wokkiraagin me, mbo puurak mage o.

Nit Ala yereegerak wone nineeu logonet kwe, kagak, maluk eeriyak niniki koombunuk eerit nogwe niinok, ninomaluk lek eerogo pinanuwak nduk, alik ambi warogo Ala wogoriyak lek me, ”Ala nen ninowak loonogo punuk, maluk ninoba pinanege logonet, kani eyak mondok alik paga at inom ogoorak wonogwe nogo, ineebe pup eerogo piyoorak nogo ti, nit ninom lek eerogo pinanigin kagi,” yinuk, ninagabiti mbako logowok.