Popular Bible Verses from 2 TIMOTIYUT 1

Share

At Ala nen niniki ninagabitinggut mendek wo'niroolik o. Ata, maluk eeppinanugwi kwe, at omaawi eeppinanege kagak niniki kwi'ndak logonet waganggo logorak mendek inom, aakumi niniki kunik aganaburak mendek inom, niniki warak mendek inom, wo'niragagerak.

At Ala nen ninagap ndake nagagirik, nit at apuri at ake leenak logowak nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik en eeppinanege logonet, ninagap ndareegerak. At iniki kunik en eeppinanege menggerak nogo ti, o yi awo wakkaga'lek kagak, ”Yetut Keritut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe

Togop me, an neenggi kanobak tebembagage neegak, Ala eyabu ambi ee'nok nduk, unde eeppagareegerak nogo, kani noguk ari kenok ambi kunggwi nogo pogom ambi abeke logonok nduk, yokkigi o.

Togop me, ninowe endagembogut eereegerak wone nogo yorage logorak kagabiti mbarugun o. Ndi, an Ala wone yorage nagagirak paga nen keele maa'nabeegwaarak nogo kagabiti mbarugun mban. Obeelom wone yorogwe paga aaninggin-paaninggin ninoba pinanugwi iinok, ndak-ndak woorak nduk, Ala omaawi wo'nirage menggerak me, an nalik lek o. Nimbirak ndak-ndak aaninggin kogo logowok o.

Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombereegirak nogo ti, an abu neenu aret o. Ndi, an eeke logowak nduk, unde eeppaneegerak nogo ninowe waga'lek kagak, lek arigin ti lek o. ”Yorogo logogun aret o,” yinuk, abet aret mbake agarik o.