Popular Bible Verses from 1 YAYA 3

Share

Napuri o. Nit ninoone paga nen mban, ”Aakumi ninom niniki kunik wonogwe o,” yinuk, yuurak mage o. Ata, niniki paga nen aret inabuwa lombok mbako logonet, obeelom eeppiinet nogo logowok o.

Nano eeriyak nduk ninoreewi ninom niniki kunik eekwi mbakop? Lek o. At Yetut iniki nen, ”An aakumi inake nooruwak aret o,” mba'nuk, ninake kambeegerak ti kokwak, nit togon ninoreewi inabuwa nen inake kambuurak op aret mbako logowok o.

Nit at apuri abet aret wonogwe me, at Ala nen, ”Kit an napuri aret o,” yo'nirage ti paga at ninogoba alik negen ninabuwa nggwok lombok mbake menggerak ti kaanip o, noreewi. Yi aakumi ndi aakumi nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

At Ibilit o maan iyaalok nen maluk eerit wundi wage menggerak me, aap ambi maluk mban eeke menggerak kenok, at Ibilit aput aret wonage o, Ndi, at Ala aput wambi wagagerak nogo ti, at Ibilit nen yi eekak ndi eekak eeke menggerak nogo abok aret, mondok lek eerogo pikit nduk, wambi wagagerak.

Aap ambi Ala nen ndareegerak kenok, at Ala obaabut aret waganeegerak me at maluk eeke logogin lek o. At Ala nen aret ndareegerak me, at maluk eeke logorak ti meek o.

Aap ambi eenggi warak nogo nen ore aaninggin oba agaarak enegen kage kwe, ”At obaalombok o,” yinuk, iniki nggilimi wonage kenok, Ala nen aakumi inabuwa mbake menggerak nogo mendek inikime wonage abu lek o.

Kit ambi nen, at, ”Yogop ee'nu, ndogop ee'nu,” yereegerak wone nogo ndak-ndak eekwi kiinok, at Ala nen kit kinom kiniki kunik wonage, ndi, kit nen at kinom kiniki kunik wonogwe, eeko logomunggup o. Aberiniki wo'niragagerak ninikime wonage ti paga at Ala abet aret nit ninom niniki kunik wonage nineenu ogo o.

Ibilit apuri kenok, inowe-inawot iniki kunik lek logonet, maluk mban eekwi, ndi, Ala apuri kenok, inowe-inawot iniki kunik logonet obeelom mban eekwi, eerit nogwe ti paga inobaabut yelok iigo monggoorak.

”Niniki-kiniki kunik eeko logonip o,” yinuk, yo'niragagerak ti, o maan aa'nduk nen konenggo nogogutak nogo aret o.

Togop kenok, yi aakumi ndi aakumi nen ineebi kinombakwi iinok, ”Ie,” yinuk, kinagabiti mbarugup o, noreewi.