Popular Bible Verses from ROMA 5

Share

Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.

Namahehenak leoia ka, neukose ana tao namatua ita dale na, hu ka nde Manetualain susue-lalain nai ita dalen dale. Dede'ak ndia ana da'di tunga Manetualain fe ita Dula Dale ka hehela-nonolen.

Lenak neme ndia mai, ita boeo tamahoko nai doidoso ka dalek, nana ita bubuluk basa doidosok ndia nde tao na hataholi a da'di natea-nahele, boema natea-nahele ka tao na hataholi a nakatatakak sosoba-susu'di ka; fo namahehena ka da'di neme ndia mai.

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus. Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

Besak ia ita malole falik to Manetualain, tunga Kristus mamate na so. Hu ndia de tao leo beeo Kristus soi-tefa nala ita teme Manetualain nasa-melun mai.

Boema hu ka nde hataholi kamahehele tak esa de, hataholi makadotok lasala-lasingo, leondiak boe, hu ka nde hataholi kamahehelek esa de, hataholi makadotok malole falik lo Manetualain.

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.