Popular Bible Verses from ROMA 15

Share

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun. No teikesa-dalekesa, tolanoo kala basa-basa mala koa-kio Manetualain fo ita Lamatuan Yesus Kristus Aman.

Hu ndia de, ela leo bee na, emi esa sipok esa no namahokok, sama na leo Kristus boeo Ana sipok emi fo emi koa-kio Manetualain.

Nasafali-na, ita esa-esak muse tao tamahoko ita tolanoo na dale na fo nini malole fe tolanook ndia, fo daenga namahehele na boetai natea-nahele.