Popular Bible Verses from NINITAK 9

Share

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen. Ala ta tukatei-saledale leme tatao-nono'i mangalau nala fo nde: kanisak, malela suangi, hohonge ma nakoda.

Boema lama kala kalua leme ha'imasuk ndia dalek mai de ala kona leo daebafa ka mai. Ala fe lamak sila la koasa sama na leo ala fen neu kula ka. Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.

Boema ata nusa so'da kalima ana puu pupuu na boema, au ita nduuk esa tu'da neme lalai leo daebafa ka mai. Ala fe nduuk ndia faka mamate sa nggoe na.

Manetualain fes tao lahe'di hataholi daebafa ka nalosa ala doidoso lanseli dodoo na bulak lima, tehu ta bole tao namate fas. Lamak sila la de'de soona he'di na sama leo kula ka de'de.

Lanuu manek fo ana paletas, ma manek ndia nde ata nusa so'dak manamanea faka mamate sa. Na'de na nai dede'a Ibrani dalek soona, Abadon, ma nai dede'a Yunani dalek soona, Apolion, fo sosoa na nae, “Mana Tao Nakalulutuk”.