Popular Bible Verses from MATEOS 24

Share

Neukose tatao-nono'i mangalau ka boetai nakadedelek nalosa hataholi la ta lasue-lalai ao so'on. Tehu hataholi fo nakatatakak losa mate'e na, neukose ana hapu so'dak.

Ma Hala Malole la'eneu tao leo beek fo Manetualain paleta, neukose nanatui-bengak leo basa daebafa ka lala'ena neu, fo ela basa hataholi la lamanenen. Basa ndia soona, besa ka fai mate'e ka ana losa.”

Neukose emi mamanene hataholi mana musu kala hala na, ma halak la'eneu matee-matati kala, tehu boso bii. Nana dede'ak sila la muse ala da'di, tehu ndia beita nafa'da nae fai mate'e ka losa so.

Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di. Basa sila la besa ka makasososa na nde ndia, sama leo inak esa name'da he'di bobongi na nai lelek fo ana sanga bongi a.

Lalai a no daebafa ka neukose mopos, tehu Au dede'a-kokolang lahele losa dodoo na.”

Nanahu neukose hataholi ba'u ka ala mai lini Au na'de nga fo lae, ‘Au nde Mane Mana fe So'da ka!’ Neukose ala ke'dindiu la hataholi ba'u ka.

Basa soona, neukose ala ho'u la emi fo ala fe heni emi soaneu ala fepa li'u emi, ma ala taolisa emi. Neukose basa daebafa ka lakamuu-lakadau emi nanahu Au ana mana tungang emi. Neu lelek ndia te neukose hataholi ba'u ka fali deak, ma ala da'di mana ke'dindiuk, boema esa nakamuu-nakadau esa. Neukose nabi pepekok ba'u ka ala to'da mai fo ala ke'dindiu la hataholi ba'u.

Boema Yesus nataa nae, “Masanene'dak leona, fo boso nalosak hataholi ke'dindiu emi.

Hu ndia de emi boeo muse mahehele ao mala. Nanahu Ana Hataholi ka Ana mai nai faik fo emi ta hapu neuk mala fan.”

Da'di manea leona, nana emi ta bubuluk faihi'da fo neukose emi Lamatua ma Ana mai fa.

“Ta hapu hataholi bubuluk fai na do liu na fai hi'da fa. Ata nusa so'da kala boeo ta. Manetualain Ana na boeo ta, te ka'da Ama ka mesa kana nde bubulu kana.

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

Metema Ana Hataholi ka sanga mai soona, heheo-hihilun sama leo nai lelek Noh tepo-lele na. Nai fai-faik fo faa tua ka beita da'di fa te, hataholi a na'a-ninu ma saoana. Leondiak nakandoo losa faik fo Noh masok leo ofak dale neu. Nai faik fo faa-tua ka luu nalas, besa ka lame'da hata fo ana da'di so. Metema Ana Hataholi ka mai soona, heheo-hihilun leondiak boe.