Popular Bible Verses from YAKOBIS 5

Share

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

Metema ala hule-haladoi no namahehelek soona, neukose Amak Manetualain nakahahaik hataholi kamahe'dis ndia, ma Ana fe do'o do ampon neu sala-singok fo, ana tao no'i nana.

Metema nggelok lamahe'di soona, ela leo bee na nalo ma Penatua la ala hule-haladoi fen, ma ala lose mina neu hataholi kamahe'dis ndia, ninik Lamatua ka na'de na.

mafandendelek, Susula Malalao ka lalanen esa nde ia nafa'da nae, Hataholi fo no falik hataholi masala-masingok esa, neme eno-dala masala-masingo na mai soona, hataholi ndia soi-tefa na hataholi masala-masingok ndia samane na neme sala-singo ka mai, ma neme mamate sa mai, ma ana tao na, sala-singok ba'u ka, nanafe do'o do ampon. Ha'da-holomata neme ami, Yakobis