Popular Bible Verses from YAKOBIS 3

Share

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

Memak malole ndia, nde bee na buna boak neme bini-ngge mole-dame a, fo hataholi mana sue-lai mole-dame a, nde sele-nggali nana!

Nai bee hapu dale he'di ka, ma paluu ka'da ao ina ka mesa kana soona, nai ndia boeo, hapu musu a, ma basa tatao-nono'i mangalau mata-mata kala.

Ita pake maa ka fo toke makasi neu Amak Manetualain fo ita Aman, tehu ita pake maa ka boe, fo soo-supa ita nonoo hataholin fo, Manetualain naka dada'di kana tunga lupa aon ndia. Baba'e-papalak ma soo-supak kalua leme bafak esa mai. Tunga ndo na, ta bole tao leondiak fa!

Maa ka, sama leo ha'i a. Nai ao paa ka, maak ndia nde nakadada'dik mangalau ka, fo nananama leo basa ao ina ka lala'ena neu. Fo ana tao nakalulutuk lita so'da na lala'ena, hu ka nde nanahotuk ninik ha'i fo maneme tasi ha'i ka mai a.

Tehu hataholi daebafa ka maa na soona, ta hapu hataholi esa boen, hapu tao kamau nala fan. Maak ndia mangau ka, ma ta hapu koasa nala fan; maa ka henuk no laso manini mamate sa.

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.