Popular Bible Verses from YAKOBIS 1

Share

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia. Nana emi bubuluk basa, metema emi mamahele mahele Lamatua ka, nai lelek fo emi matongo mo sosoba-susu'di ka soona, ninini na nde, emi makatatakak.

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

Manea, fo ela emi dale makatatakam ndia, nakapela nakandoo, losa te'e-te'e, emi da'di matetu-mandaak, ma emi ta to'a taa hata esa boen.

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

Hataholi fo namanene Manetualain dede'a-kokolan, tehu ana ta tao tunga fan soona, hataholi ndia sama leo hataholi fo, ana titino mata-panan nai titinok dale. Ana titino matalololen, fo basa soona ana la'o, tutika nafandele heni mata-panan lupa na leo beek.

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

Metema hataholi esa hapu sosoba-susu'di leondia ka soona, boso mafa'da nae, “Sosoba-susu'dik ndia, neme Manetualain mai,” nana mangalau ka ta hapu so'ba-su'di nala Manetualain ma Manetualain boeo, Ana ta pake mangalau ka, soaneu so'ba-su'di hataholi esa boen. Tehu hataholi a, hapu soso'ba-susu'dik, metema ana tunga hihii-nanau mangalau na, fufu'di-oo'don.

Hataholi kamahehele nuu ta-hata ta ka, ela leo bee na namahoko, metema Manetualain so'u namadedeman.