Popular Bible Verses from 1 YOHANIS 2

Share

Boso sue-lai daebafak ia no basa oe isin lala'ena. Nana metema emi sue-lai daebafa ka soona, emi ta sue-lai Ama ka so'on. Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

Hataholi daebafa ka nahiik daebafa ka no basa oe isin lala'ena, tehu besak ia, neukose ana sapu-lalo. Tehu hataholi mana tunga Manetualain hihii-nanau na, naso'da nahele losa dodoo na.

Metema see nafa'da nae, ndia naso'da no Manetualain soona, hataholi ndia muse tunga Kristus ei tata'bu na boe.

Ana ngala lemin! Au sulak fe emi susulak ia, fo ela emi boso boe tao sala-singok bai. Tehu metema bei hapu emi nggelok tao sala-singok soona, hapu ita hataholi mana masala'en esa na'de Yesus Kristus. Ana tao tunga ka'da ndo na. Neukose nasala'e ita nai Ama ka matan.

Hataholi fo nafa'da nae, “Au alelak Manetualain,” tehu ana ta tunga paleta na fa soona, hataholi ndia masapepeko-masandandalik, nana Manetualain ta nai dalen dale fa.

Metema ita tuga Manetualain paleta na soona, ndia nafa'da nae, ita talelak Manetualain.

Hataholi fo nafa'da nae, ndia nai mangale'do ka dalek, tehu metema hataholi ndia bei nakamuu-nakadau tolano na soona, hataholi ndia bei nai makahatu ka dalek losa besak ia.

Masapepeko-masandandali kala nde, hataholi fo lafa'da lae, Yesus ta nde Mane Mana Fe So'dak fo Manetualain helu ka fa. Fo Kristus musu noo nala nde hataholi sila la; nana ala ta nau sipok Ama ka ma Ana ka fa.

Metema see ta sipok Ana ka fa soona, ana ta sipok Ama ka boen. Tehu metema see sipok Ana ka soona, ana sipok Ama ka boe.